Беларусь лідзіруе па многіх пазіцыях і падае прыклад шэрагу дзяржаў, - лічыць намеснік Генсакратара ААН.

        Беларусь лідзіруе па многіх пазіцыях і падае прыклад шэрагу дзяржаў. Пра гэта заявіў намеснік Генсакратара ААН па эканамічных і сацыяльных пытаннях Ву Хонбо ў эфіры "Беларусь 1". Па яго словах, Беларусь аб'ядноўвае тры ключавыя аспекты - пастаянны эканамічны рост, сацыяльныя гарантыі і абарону навакольнага асяроддзя. Ву Хонбо заўважыў, што зараз актыўна абмяркоўваецца праграма ўстойлівага развіцця ААН пасля 2015 года, а Беларусь ужо акцэнтавала ўвагу на распрацоўцы Нацыянальнай стратэгіі ўстойлівага сацыяльна-эканамічнага развіцця да 2030 года. Таму па многіх пытаннях Беларусь сёння - ключавая пляцоўка ў рамках ААН.