Беларусы не паступіліся сваімі прынцыпамі добрасуседства, захавалі мір і стабільнасць у грамадстве, - заявіў Прэзідэнт Аляксандр Лукашэнка, уручаючы дзяржаўныя ўзнагароды. Па словах кіраўніка дзяржавы, каля нашых меж раптам з’явілася новая гарачая кропка. Радыкальным чынам змяніліся міжнародныя адносіны. Чалавецтва ўваходзіць у чарговы перыяд напружанасці і супрацьстаянняў. Аляксандр Лукашэнка адзначыў, што беларусы годна пражылі год, хоць і не абышлося без цяжкасцей і праблем. У Беларусі сабраны нядрэнны ўраджай збожжавых і іншых культур, гарантавана харчовая бяспека краіны. Уведзены ў строй новыя і мадэрнізаваныя прадпрыемствы, прамысловы патэнцыял павялічаны амаль на паўтары тысячы арганізацый.