Больш за паўмільёна долараў на захаванне здароўя і жыцця малышоў - спецыяльны праект па прафілактыцы дзіцячага траўматызму будзе рэалізаваны ў нашай краіне.

         Больш за паўмільёна долараў на захаванне здароўя і жыцця малышоў - спецыяльны праект па прафілактыцы дзіцячага траўматызму будзе рэалізаваны ў Беларусі ў найбліжэйшыя 3 гады. Адпаведнае пагадненне падпісалі ў Мінску. Ініцыявалі праект Дзіцячы фонд ААН ЮНІСЕФ, Міністэрства аховы здароўя і Міністэрства ўнутраных спраў Беларусі. Фінансава ініцыятыву падтрымала Расія. Асаблівую ўвагу ў праекце нададуць павышэнню прафесіяналізму медыкаў, педагогаў, ратавальнікаў, супрацоўнікаў міліцыі і, вядома, інфармаванасці бацькоў. На думку экспертаў, меры, прапісаныя ў праекце, дазволяць ужо да 2017 знізіць паказчыкі дзіцячай смяротнасці, у тым ліку ад траўм, як мінімум на 10%.