Прэзентацыя еўразійскага інтэграцыйнага праекта адбылася ў Чылі.

       Яна была арганізавана падчас візіту ў гэту лацінаамерыканскую краіну дэлегацыі Еўразійскай эканамічнай камісіі. Чылійскі бізнес звярнуў увагу на магчымасці, якія адкрываюцца з пачаткам функцыянавання Еўразійскага эканамічнага саюза. Вялікую цікавасць чылійскай аўдыторыі выклікалі палажэнні дагавора аб ЕАЭС, звязаныя з дзеяннем норм тэхнічнага рэгулявання, а таксама санітарных, фітасанітарных і ветэрынарных мер, асаблівасцямі ўвозу віннай прадукцыі і яе падаткаабкладання. Адбыліся таксама сустрэчы дэлегацыі ЕЭК з кіраўніцтвам Эканамічнай камісіі ААН для Лацінскай Амерыкі і Карыбскага басейна і Міністэрства замежных спраў Чылі.