Беларусь можа адкрыць прамыя авіязносіны з В'етнамам

       Беларусь разгледзіць магчымасць адкрыцця прамых авіязносін з В'етнамам. Аб гэтым паведаміў прэм'ер-міністр Беларусі Міхаіл Мясніковіч на сустрэчы з генсакратаром Цэнтральнага камітэта Камуністычнай партыі В'етнама Нгуен Фу Чонгам. Прэм'ер таксама адзначыў, што Беларусь у самы бліжэйшы час значна спросціць выдачу віз грамадзянам В'етнама. Беларускае знешнепалітычнае ведамства прыняло ўжо шэраг рашэнняў у гэтым напрамку.