Славакія разлічвае прыняць не менш за 4 тыс. беларускіх турыстаў падчас зімовай ўніверсіяды ў 2015 годзе. Аб гэтым паведаміў часова павераны па справах Славакіі ў Беларусі Міраслаў Майжыта. Дыпламат патлумачыў, чаму 4 тысячы, бо менавіта такая колькасць славацкіх турыстаў – аматараў хакея пабывала ў Мінску на чэмпіянаце свету ў маі 2014 года. Зімовая ўніверсіяда пройдзе ў Славакіі з 24 студзеня па 1 лютага. Чакаецца ўдзел каля тысячы спартсменаў з 31 краіны, у тым ліку з Беларусі.