Кіраўнік аддзялення пасольства Швейцарыі ў Беларусі стаў уладальнікам ганаровага звання "Пасол Беларускага таварыства Чырвонага Крыжа"

Кіраўнік аддзялення пасольства Швейцарыі ў Беларусі Альда дэ Люка стаў першым уладальнікам ганаровага звання "Пасол Беларускага таварыства Чырвонага Крыжа".

Альда дэ Люка ўдастоены гэтага звання за важкі дыпламатычны ўклад і падтрымку дзейнасці Беларускага таварыства Чырвонага Крыжа. Ганаровага звання могуць быць удастоены людзі, якія ўнеслі вялікі ўклад у паляпшэнне іміджу руху, рэгулярную фінансавую падтрымку, пастаяннае лабіраванне інтарэсаў Беларускага Чырвонага Крыжа.