Майстэрня беларускага парфумера распрацавала "Водар цырка"

Майстэрня беларускага парфумера Улада Рэкунова распрацавала "Водар цырка". Яго стварэнне прымеркавана да шоу братоў Запашных "UFO. Цырк з іншай планеты". Спецыяльна для прэзентацыі водару ў Мінск прыехаў прадстаўнік знакамітай цыркавой дынастыі, народны артыст Расіі Эдгард Запашны. Склад водару трымаецца ў сакрэце. У яго ўвайшло каля 50-70 кампанентаў. Эдгард Запашны адзначыў, што над назвай водару яшчэ трэба папрацаваць, аднак ужо ёсць варыянт - "Пах іншай планеты".