Беларускі бок ставіцца з павагай да выбару ўкраінскага народа.

        Беларускі бок ставіцца з павагай да выбару ўкраінскага народа, - заявілі ў МЗС Беларусі, каменціруючы праведзеныя 26 кастрычніка выбары ў Вярхоўную раду. Беларусь гатова прадоўжыць усебаковае канструктыўнае супрацоўніцтва са сваім суседам і садзейнічаць паспяховаму прадаўжэнню мірнага працэсу ва Украіне. У беларускім знешнепалітычным ведамстве таксама выказалі надзею, што новы парламент, выбраны ў такіх складаных умовах, зробіць усё магчымае для аднаўлення паўнацэннага агульнанацыянальнага дыялога, захавання адзінства Украіны і далейшага паступальнага развіцця брацкай краіны, з якой Беларусь звязваюць стагоддзі агульнай гісторыі.