“Белэнерга” і Нямецкае энергетычнае агенцтва ДЭНА ў межах Беларуска-германскага энергетычнага форуму ў Мінску падпісалі мемарандум аб узаемадзеянні, паведамляе БЕЛТА. Як адзначыў першы намеснік міністра энергетыкі Беларусі Леанід Шанец, ”Нямецкія калегі актыўна працуюць з аднаўляльнымі крыніцамі энергіі. Іх вопыт будзе вельмі важным і павучальным для Беларусі”. Пагадненне прадугледжвае развіццё супрацоўніцтва ў электраэнергетычнай сферы, прыярытэтнымі кірункамі стануць распрацоўкі сумесных праектаў па выкарыстанні новых перадавых тэхналогій у галіне цепла- і электразабеспячэння, развіццё электрычных сетак.