Беларускае прадпрыемства "Керамін" вядзе перамовы аб пастаўках прадукцыі ў ЗША, Канаду і краіны Афрыкі

      Беларускае прадпрыемства "Керамін" вядзе перамовы аб пастаўках прадукцыі ў ЗША, Канаду і краіны Афрыкі, паведамляе карэспандэнт БЕЛТА. На сённяшні дзень прадпрыемства экспартуе сваю прадукцыю - керамічную плітку і санітарную кераміку- у 18 краін свету. Большая частка тавару пастаўляецца ў Расію, Украіну, Малдову, Казахстан, Літву, Латвію і Чэхію. ААТ "Керамін" - найбуйнейшае ў Еўропе прадпрыемства па вытворчасці будаўнічых матэрыялаў і санітарнай керамікі і адзін з лідараў у краінах СНД па аб'ёмах выпуску прадукцыі.