Палотны мастакоў XVIII стагоддзя ажывуць на адкрыцці IX Міжнароднага фестывалю Юрыя Башмета ў Мінску.

      Палотны мастакоў XVIII стагоддзя ажывуць пад сімфонію Вольфганга Амадэя Моцарта на адкрыцці IX Міжнароднага фестывалю Юрыя Башмета ў Мінску. Для ўдзелу ва ўрачыстым адкрыцці форуму прыедзе Сяргей Крылоў - адзін з самых таленавітых і запатрабаваных скрыпачоў свету. Па-сапраўднаму фантастычнае шоу чакае публіку ў час выканання сімфоніі нумар 29 ля мажор Моцарта, якое будзе суправаджаць паказ на экране карцін вялікіх мастакоў - сучаснікаў кампазітара.