Сустрэча Аляксандра Лукашэнкі і Эштан стварае перадумовы для нармалізацыі адносін Беларусі і ЕС.

       Сустрэча вярхоўнага прадстаўніка ЕС па замежных справах і палітыцы бяспекі, намесніка старшыні Еўрапейскай камісіі Кэтрын Эштан з Прэзідэнтам Беларусі стварае пэўныя перадумовы для нармалізацыі адносін Еўрасаюза і беларускага боку. Такую думку выказаў палітолаг Аляксандр Шпакоўскі. Паводле слоў эксперта, сустрэча ў Мінску, зразумела, не пазбавіць Беларусь ад неаб'ектыўных ацэнак з боку Еўрасаюза, але ўжо сам факт, што кіраўнік еўрапейскай службы знешніх дзеянняў ахвотна ідзе на кантакт з кіраўніком беларускай дзяржавы, стварае пазітыўны фон і пэўныя перадумовы для далейшай нармалізацыі адносін па лініі Беларусь - Еўрапейскі саюз, - падкрэсліў Аляксандр Шпакоўскі. Палітолаг адзначыў, што факт правядзення сустрэчы ў Мінску - прызнанне правільнасці пазіцыі беларускага боку па ўкраінскім пытанні.