Беларускі гандлёывы дом адкрыецца ў Астрахані ў канцы жніўня, перадае карэспандэнт БЕЛТА. У гандлёвым доме будзе прадстаўлены шырокі асартымент харчовых і прамысловых тавараў беларускай вытворчасці. На плошчы ў тысячу квадратных метраў плануецца прадаваць малочную прадукцыю, каўбасныя і кандытарскія вырабы, сокі, бытавую хімію і тэкстыль. Улады Астраханскай вобласці разлічваюць, што адкрыццё гандлёвага дома будзе спрыяць росту таваразвароту паміж Беларуссю і вобласцю.