Кінакампанія New Wave Production пачала работу над дакументальным цыклам "Першая сусветная.Невядомая вайна".

       Праект, прымеркаваны да 100-годдзя пачатку баявых дзеянняў. У цыкл увойдзе 9 серый. Кожная раскажа пра баявыя аперацыі Першай сусветнай праз прызму подзвігаў некаторых асоб - камандуючых арміяй, афіцэраў і простых салдат, а таксама мірных грамадзян (святароў, сялян і нават дзяцей).Акрамя таго, у кожным фільме будзе ўпамінацца аб тым ці іншым вынаходстве, якое з'явілася ў гады вайны і паўплывала на ход гісторыі. Здымкі дакументальнага цыкла праходзяць у Беларусі, Расіі, Літве, Латвіі, Польшчы, Чэхіі, Германіі, Францыі і Бельгіі.