Замежнікаў у Беларусі больш за ўсё прыцягваюць туры па аб'ектах са спіса Сусветнай спадчыны ЮНЕСКА.

        Замежнікаў у Беларусі больш за ўсё прыцягваюць туры па аб'ектах са спіса Сусветнай спадчыны ЮНЕСКА - Белавежскай пушчы, замкавым комплексе "Мір", архітэктурна-культурным комплексе былой рэзідэнцыі Радзівілаў у Нясвіжы, пунктах Дугі Струве. Зараз у Беларусі турыстам даступныя больш за 1,5 тыс. маршрутаў, сярод якіх ёсць пешыя, аўтобусныя, аўтобусна-пешыя, веласіпедныя, цеплаходныя і аэраэкскурсіі. Што да тэндэнцый гэтага года, то асноўнай стала ваенна-гістарычная тэматыка, у сталіцы больш актыўна стаў развівацца велатурызм.