Прэзідэнт Беларусі лічыць свяшчэнным і маральным абавязкам сучаснікаў не дапусціць рэабілітацыі нацыстаў і іх памагатых.

        Свяшчэнным і маральным абавязкам сучасных людзей перад загінуўшымі і святым абавязкам перад будучымі пакаленнямі з'яўляецца недапушчэнне рэабілітацыі нацыстаў і іх памагатых. Пра гэта заявіў Прэзідэнт Беларусі Аляксандр Лукашэнка на цырымоніі закладкі памятнай капсулы на месцы стварэння мемарыяльнага комплексу "Трасцянец”. Аляксандр Лукашэнка ўпэўнены, што тыя краіны, якія пагарджаюць урокамі гісторыі, паблажліва ставяцца да праяў расісцкай і нацыянальнай нецярпімасці, прапаганды ідэй аб перавазе адных народаў над іншымі, асуджаны на паўтарэнне трагедыі, але ўжо на сваёй зямлі і ў сваіх дамах.