Беларусь і Расія развіваюць комплекснае супрацоўніцтва па ўсім жыццёвым цыкле атамнай энергетыкі

        Беларусь і Расія развіваюць комплекснае супрацоўніцтва па ўсім жыццёвым цыкле атамнай энергетыкі, што ўключае ў сябе не толькі будаўніцтва АЭС, але і развіццё навукі, падрыхтоўку кадраў і спецыялістаў, вырашэнне пытанняў забеспячэння ядзерным палівам. Пра гэта заявіў кіраўнік "Расатама" Сяргей Кірыенка ў рамках VI Міжнароднага форуму "Атамэкспа-2014", перадае БЕЛТА. Па яго словах,  адзін з важных элементаў развіцця інфраструктуры атамнай энергетыкі -  адкрыты дыялог з грамадскасцю, празрыстая і адкрытая інфармацыя пра АЭС і мірны атам у цэлым. Якраз на гэта накіравана стварэнне ў Беларусі інфармацыйнага цэнтра па атамнай энергіі.