Малы прыгранічны рух з Літвой можна будзе запускаць толькі пасля адкрыцця новых пунктаў пропуску.

       Малы прыгранічны рух паміж Беларуссю і Літвой можна будзе запускаць толькі пасля адкрыцця на граніцы трох новых міжнародных пунктаў пропуску. Такое меркаванне выказаў пасол Беларусі ў Літве Аляксандр Кароль падчас ІІІ Беларуска-літоўскага форуму рэгіянальнага супрацоўніцтва ў Гродне, перадае БЕЛТА. У Беларусі ёсць  вопыт арганізацыі малога прыгранічнага руху з Латвіяй, і ён выявіў некаторыя тэхнічныя праблемы. У сваю чаргу пасол Літвы ў Беларусі Эвалдас Ігнатавічус адзначыў, што літоўскі бок рады, што Беларусь пачала перагаворы аб лібералізацыі візавых адносін.