Тры новыя холдзінгі з'явяцца ў Беларусі да канца года.

         Тры новыя холдзінгі з'явяцца ў Беларусі да канца года: на парозе аб'яднання - прадпрыемствы трыкатажнай і гарбарна-абутковай галін. Зараз на апошняй стадыі ўзгаднення праект Беларускай трыкатажнай кампаніі. Пасля аб'яднання кожная швейная вытворчасць захавае сваю спецыялізацыю. Пры гэтым продажы пойдуць праз агульную сетку фірменных магазінаў. Чакаецца, што гэтыя меры дапамогуць на трэць павялічыць аб'ёмы рэалізацыі. Што да гарбарна-абутковай галіны, работа па аб'яднанні ідзе ўжо амаль год. Цяпер удакладняюцца бізнес-планы, праект стварэння двух холдынгаў знаходзіцца на дапрацоўцы. Згодна з ім, «Белвест» і «Марка» стануць кіруючымі кампаніямі.