Наведаўшы Х Калядны турнір аматараў хакея, можна выйграць абанементы на ЧС-2014

         Гледачы , якія наведаюць матчы Х Каляднага міжнароднага турніру аматараў хакея на прыз Прэзідэнта Беларусі, змогуць паўдзельнічаць у розыгрышы абанементаў на ўсе паядынкі групавога раунда з удзелам зборнай Беларусі, якія яна правядзе ў рамках маючага адбыцца чэмпіянату свету- 2014 па хакеі. У выніку адмысловай акцыі "Шчаслівы балельшчык" 10 абанементаў знойдуць сваіх уладальнікаў.
        Для таго каб стаць пераможцам акцыі Прэзідэнцкага спартыўнага клуба і трапіць на сусветнае хакейнае свята, аматарам спорту прыйдзецца не толькі спадзявацца на шчаслівы выпадак, але і прадэманстраваць навыкі, уласцівыя сапраўднаму балельшчыку і сапраўднаму спартсмену.