Беларусь выступае за недапушчальнасць палітызацыі спорту.

          Беларусь стала сааўтарам прынятай Генасамблеяй ААН рэзалюцыі "Спорт на карысць міру і развіцця: сцвярджэнне міру і пабудова больш шчаслівага жыцця на планеце пры дапамозе спорту і ўвасаблення алімпійскіх ідэалаў". Дэлегацыя Беларусі прыняла ўдзел у распрацоўцы рэзалюцыі і аформіла па ёй сааўтарства. Рэзалюцыя падкрэслівае ролю Міжнароднага алімпійскага камітэта і ААН у практычнай рэалізацыі ідэалаў алімпійскага свету. У выступленні па выніках прыняцця рэзалюцыі дэлегацыя Беларусі падкрэсліла важнасць недыскрымінацыйнага падыходу да ўдзелу ў Алімпійскіх гульнях, асаблівую адказнасць арганізатараў Алімпійскіх гульняў за рэалізацыю алімпійскіх ідэалаў, а таксама недапушчальнасць палітызацыі спорту і Алімпійскіх гульняў.