Беларусь падтрымлівае дзейнасць ЮНІСЕФ у галіне аховы мацярынства і дзяцінства.

          Такую пазіцыю беларуская дэлегацыя выказала падчас другой рэгулярнай сесіі Выканаўчага савета Дзіцячага фонду ААН (ЮНІСЕФ), якая праходзіць у штаб-кватэры ААН у Нью-Ёрку. Дэлегацыя Беларусі бярэ ўдзел у сесіі ў якасці краіны-назіральніка. Яна таксама падтрымала дзейнасць арганізацыі ў галіне павышэння адказнасці бацькоў у выхаванні дзяцей, аховы правоў дзяцей-інвалідаў, барацьбы з ВІЧ / СНІД, а таксама з адмоўнымі звычкамі сярод моладзі. Асобная ўвага фонду была прыцягнута да барацьбы з гандлем людзьмі. У сувязі з гэтым беларуская дэлегацыя выказала надзею, што ЮНІСЕФ працягне актыўную дзейнасць у гэтым напрамку.