У галерэі Міхаіла Савіцкага адкрылася персанальная выстава Аляксея Кузьміча.

        У яе ўвайшлі вядомыя і новыя работы беларускага мастака, аб'яднаныя агульнай назвай "Святланоснае аблічча Мадоннаў". Захапляюцца імі ва ўсім свеце: карціны майстра з выявамі маці і немаўля захоўваюцца ў музеях ЗША, Еўропы, Расіі і Прыбалтыкі. Большай калекцыі Мадоннаў, чым у Аляксея Кузьміча, няма ні ў аднаго мастака ў свеце. Мадоннам майстар прысвяціў каля тысячы палотнаў. Ва ўсіх Мадоннаў Аляксея Кузьміча адзін вядомы твар - яго музы і натхняльніцы, жонкі Інесы.