Выстава работ сучасных ізраільскіх мастакоў "Па слядах Шагала ў Ізраілі" адкрылася ў сталічнай мастацкай галерэі Міхаіла Савіцкага.

         Выстава работ сучасных ізраільскіх мастакоў "Па слядах Шагала ў Ізраілі", прысвечаная 125-годдзю з дня нараджэння вялікага майстра, адкрылася ў сталічнай мастацкай галерэі Міхаіла Савіцкага. Усе работы, а іх каля 30, уяўляюць сабой аўтарскія копіі на палатне. Арыгіналы захоўваюцца ў Ізраілі. Дом майстра ў Віцебску, Іерусалімская вулачка, размова з Шагалам пра чорны квадрат Малевіча - выстава звязала прадстаўнікоў розных мастацкіх школ і кірункаў авангарднай манерай пісьма. Экспазіцыя дазваляе ўбачыць Ізраіль вачыма культавага мастака.