Беларусь і Расія зацікаўлены ва ўмацаванні супрацоўніцтва ў галіне мікраэлектронікі.

  Пра гэта ішла размова на сустрэчы намесніка міністра прамысловасці Беларусі Андрэя Буйневіча і намесніка міністра прамысловасці і гандлю Расіі Васіля Шпака. Бакі абмеркавалі пытанні развіцця ўзаемадзеяння ў высокатэхналагічных галінах: мікраэлектронікі і вытворчасці спецыяльнага тэхналагічнага абсталявання. Як адзначылі ў ведамстве, прадукцыя айчынных прадпрыемстваў “Інтэграл” і “Планар” адпавядае патрабаванням расійскага спажыўца. Гэтыя вытворчыя аб’яднанні здольны распрацоўваць і вырабляць электронныя кампаненты спецыяльнага прызначэння, а таксама спецыяльнае тэхналагічнае абсталяванне для іх вытворчасці.