"Белавія" працуе над пошукам новых напрамкаў і карэкціроўкай маршрутаў

Фота: belta.by

"Белавія" працуе над пошукам новых напрамкаў і карэкціроўкай маршрутаў, паведамляе БЕЛТА са спасылкай на афіцыйны акаўнт авіякампаніі ў Facebook.

У спісе краін, куды сёння можа лятаць "Белавія", - Арменія, Азербайджан, Грузія, Расія, Ізраіль, Казахстан, Турцыя, Узбекістан, ААЭ. Авіякампанія прыпыніла рэйсы ў Літву, Вялікабрытанію, Францыю, Украіну, Латвію, Фінляндыю, Чэхію, Швецыю, Эстонію, Польшчу, Італію, Нідэрланды, Германію, Аўстрыю, Бельгію, Іспанію, Венгрыю, Малдову, Сербію, Кіпр і расійскі Калінінград.

"Для кампаніі гэта вялікія страты, але калектыў "Белавія" прыкладае ўсе намаганні, каб справіцца. Авіякампанія пачала аднаўляцца пасля пандэміі COVID-19, адкрываць новыя напрамкі. Мы зусім не чакалі, што разам з нашымі пасажырамі будзем у такім становішчы. Нягледзячы на тое, што авіякампанія не мела ўплыву на сітуацыю, якая склалася, цяпер нашы спецыялісты працуюць над пошукам новых напрамкаў і карэкціроўкай маршрутаў", - гаворыцца ў паведамленні.