У Мінск-Арэне стартуе Міжнародны форум па інфармацыйна-камунікацыйных тэхналогіях “ТІБО-2021”.

ХХVII Міжнародны форум па інфармацыйна-камунікацыйных тэхналогіях “ТІБО-2021” адкрываецца ў “Мінск-Арэне”. Паўдзельнічаюць у ёй больш за 140 арганізацый з Азербайджана, Беларусі, Казахстана, Кітая, Кыргызстана, Аб’яднаных Арабскіх Эміратаў, Расіі, Узбекістана. Цэнтральную экспазіцыю зойме стэнд “Беларусь – краіна лічбавых магчымасцяў”. Прадставяць інавацыйныя распрацоўкі дзяржаўных органаў і беларускіх IT-кампаній у сферы інфармацыйных тэхналогій, а таксама магчымасці іх эфектыўнага прымянення ў розных сферах.