Мітрапаліт Мінскі і Слуцкі Філарэт, Патрыяршы Экзарх усяе Беларусі узнагароджаны расійскім ордэнам Аляксандра Неўскага.

       Узнагароду ад імя Прэзідэнта Расіі Мітрапаліту ўручыў Пасол Расіі ў Беларусі Аляксандр Сурыкаў. Акрамя таго, пасля урачыстасцей у гонар 1025-годдзя Хрышчэння Русі Патрыярх Маскоўскі і ўсяе Русі Кірыл адзначыў царкоўнымі ўзнагародамі тых, хто ўнёс вялікі ўклад у арганізацыю гэтых мерапрыемстваў у Беларусі. Ордэна святога роўнаапостальнага князя Уладзіміра трэцяй  ступені ўдастоены намеснік прэм'ер-міністра Беларусі Анатоль Тозік. Такую ж узнагароду атрымаў Упаўнаважаны па справах рэлігій і нацыянальнасцей Леанід Гуляка. Ордэна Славы і Гонару трэцяй ступені ўдастоены старшыня Мінскага аблвыканкама Барыс Батура і старшыня Мінскага гарадскога выканаўчага камітэта Мікалай Ладуцька.