Дзелавыя перамовы і кантактна-кааперацыйная біржа паміж прадстаўнікамі бізнес-колаў Беларусі і кітайскага горада Харбін адбудуцца 30 ліпеня ў Мінску.

       Бакі плануюць абмеркаваць супрацоўніцтва па такіх напрамках, як машынабудаванне, будаўніцтва, электраэнергетыка і электратэхніка, вытворчасць чыгуначнага абсталявання, прамысловых пластмасавых вырабаў, інфармацыйныя тэхналогіі, фармацэўтыка, лагістыка, інвестыцыйная дзейнасць. Падобныя бізнес-сустрэчы дазволяюць актывізаваць гандлёва-эканамічнае супрацоўніцтва паміж дзвюма краінамі, усталяваць новыя перспектыўныя дзелавыя кантакты і разгледзець магчымасць рэалізацыі сумесных праектаў.