Пабіць леташнія паказчыкі абяцае экспарт беларускага хлеба.

  Такой інфармацыяй падзяліўся намеснік міністра сельскай гаспадаркі і харчавання Ігар Брыло. Хлебапячэнне – магутная галіна. Яе развіццё справа не толькі прэстыжу, але і харчовай бяспекі. Нам удалося захаваць лепшыя традыцыі і яшчэ прымножыць. У 90-я выпускалі толькі некалькі найменняў хлеба, нас называлі "зонай рызыкоўнага земляробства". А сёння мы вырошчваем столькі збожжа, што на ўласным караваі можам зарабляць валюту. На сёння хлеб пякуць 43 абласныя заводы. Плюс больш за 400 гандлёвых аб'ектаў абзавяліся невялікімі пякарнямі.