У Беларусі дэманструюць карціны самага масшабнага ў свеце Манхэтэнскага фестывалю кароткаметражнага кіно.

Наша краіна далучаецца да агляду 12-ты раз. Фільмы ўбачаць у шасці беларускіх гарадах. На вялікім экране - работы з ЗША, Аўстраліі, Ізраіля, Палесціны, Македоніі, Расіі, Фінляндыі, Ірана і Францыі. Кожны зможа прагаласаваць за ўпадабаную карціну, гэта павялічыць шанцы фільма атрымаць кваліфікацыю на "Оскар". У праграме як дэтэктывы і філасофскія драмы, так і карціны пра каханне. Самы кароткі фільм «Маэстра» ідзе хвіліну 40 секунд. Паказы працягнуцца да 31 кастрычніка.