У Музеі сучаснай беларускай дзяржаўнасці адкрылася фотавыстава “Пакаленне пераможцаў”

У Мінску ў Музеі сучаснай беларускай дзяржаўнасці адкрылася фотавыстава “Пакаленне пераможцаў”. На здымках, як кажуць арганізатары, -  сувязь пакаленняў. Гэта ветэраны і моладзь, яны разам адзначаюць Дзень Незалежнасці і не хаваюць эмоцый. У экспазіцыі ўсяго 19 фотаздымкаў, адабраных з больш чым 200 заяўленых. Дарэчы, пастановачны здымак тут усяго адзін. Усе астатнія выхаплены фотакарэспандэнтамі з рэальнага жыцця, на іх рэальныя людзі з пачуццямі, перажываннямі і эмоцыямі.