Маладыя музыкі Вышэйшай школы мастацтваў Цюрыха дадуць канцэрт у Гомелі

Канцэрт маладых таленавітых музыкаў Вышэйшай школы мастацтваў Цюрыха адбудзецца ў лютым у Белай гасцінай палаца Румянцавых-Паскевічаў. У выкананні лаўрэатаў міжнародных конкурсаў Аляксандра Кузняцова і Вячаслава Спірыдонава прагучаць творы Моцарта, "Мефіста-вальс" Ліста і гарачая "Гісторыя танга" Пьяццоллы. Дарэчы, Вячаслаў Спірыдонаў нарадзіўся ў Беларусі. Выступаў з аркестрамі Цюрыха, Брэмена, Карлавых Вар, Беластока, гастраляваў у Польшчы, Германіі, Швейцарыі, Аўстрыі, Бельгіі, ЗША.