Беларусь мае намер працягнуць работу па далейшым павышэнні іміджу СНД на міжнароднай арэне

Беларусь мае намер працягнуць работу па далейшым павышэнні іміджу СНД на міжнароднай арэне, а таксама пашырэнні ўзаемадзеяння ўрадавых структур дзяржаў - удзельніц СНД з іншымі дзяржавамі і інтэграцыйнымі ўтварэннямі. Пра гэта заявіў пасол Беларусі ў Расіі Ігар Петрышэнка ў ў Маскве на пасяджэнні Камісіі па эканамічных пытаннях пры Эканомсавеце СНД. Дыпламат запэўніў, што Беларусь з усёй адказнасцю падыдзе да сваёй ролі ва ўмацаванні міру і добрасуседства ў Садружнасці. У прыватнасці, наша краіна разлічвае на развіццё прыгранічнага і міжрэгіянальнага супрацоўніцтва, пашырэнне інфармацыйнай прасторы.