Падыходы да прадаўжэння дыялога на ўзроўні палітычных дэпартаментаў МЗС Беларусі і Францыі абмеркаваны ў Парыжы.

         Пасол Беларусі ў Францыі Павел Латушка сустрэўся з дырэктарам дэпартамента кантынентальнай Еўропы МЗС Францыі Эрыкам Фурнье. Беларускі дыпламат падкрэсліў, што ў якасці прыярытэтаў сваёй дзейнасці бачыць развіццё эканамічнага супрацоўніцтва, пашырэнне сувязей ў культуры, садзейнічанне рэалізацыі рэгіянальных кантактаў. Бакі разгледзелі падыходы да ўдзелу дэлегацыі беларускіх прадпрыемстваў у маючым адбыцца ў Парыжы ў лютым 2013 сельскагаспадарчым салоне "SIMA 2013". Абмеркаваны таксама шэраг канкрэтных інвестыцыйных праектаў, запланаваных да рэалізацыі ў бліжэйшы час.