У Мінску адкрыўся сезон фантанаў

У Мінску адбылася ўрачыстая цырымонія, прысвечаная адкрыццю сезона фантанаў.
Падрыхтоўка фантанаў да адкрыцця сезона пачалася яшчэ ў сакавіку.
У гэтым годзе старэйшы фантан Мінска "Хлопчык з лебедзем", які знаходзіцца ў Аляксандраўскім скверы, сустрэне сезон абноўленым. Акрамя гэтага ўнікальнага фантана на балансе УП "Мінскзялёнбуд" знаходзяцца 33 вадамёты. З іх самы буйны па плошчы размясціўся перад Нацыянальным акадэмічным Вялікім тэатрам оперы і балета, самым вялікім з'яўляецца фантан на плошчы Незалежнасці, а лідарам па вышыні і магутнасці прызнаны "Парусы" на Камсамольскім возеры.