Беларусь зацікаўлена ў максімальнай рэалізацыі патэнцыялу партнёрства з Расіяй ва ўсіх сфера, - заявіў кіраўнік МЗС нашай краіны.

          Беларусь зацікаўлена ў максімальнай рэалізацыі патэнцыялу партнёрства з Расіяй ва ўсіх сферах. Пра гэта міністр замежных спраў Беларусі Уладзімір Макей заявіў у інтэрв'ю расійскай газеце " Красная Звезда". Адказваючы на пытанне наконт формулы стратэгічнага партнёрства дзвюх краін, Уладзімір Макей адзначыў, што яна заключаецца ў паглыбленні інтэграцыі і ўсебаковым развіцці ўзаемавыгаднага супрацоўніцтва ў інтарэсах народаў дзвюх дзяржаў, сацыяльнага і эканамічнага прагрэсу Беларусі і Расіі на прынцыпах суверэннай роўнасці. Ён дадаў, што цяпер стратэгічнае партнёрства для Беларусі і Расіі - не проста формула, а рэаліі, якія гарантуюць стабільнае і бяспечнае развіццё нашых краін.