Беларуская калійная кампанія разлічвае пачаць перамовы з Кітаем да канца лютага

Беларуская калійная кампанія разлічвае пачаць перамовы па новым кантракце з Кітаем у апошняй дэкадзе лютага. Улічваючы падзенне цэн у Бразіліі і Паўднёва-Усходняй Азіі, высокі ўзровень запасаў калію ў кітайскіх партах, а таксама пагаршэнне эканамічнай сітуацыі ў Кітаі, аналітыкі чакаюць, што перамовы з кітайскімі імпарцёрамі могуць зацягнуцца да канца першага квартала і прывесці да істотнага зніжэння цаны на калій - да 230-250 долараў за тону. Дадам: у апошнія гады расійскі “Уралкалій” першым дасягаў дамоўленасці наконт кантрактаў з кітайскімі імпарцёрамі. Але ў 2015-ым расіян апярэдзіла Беларуская калійная кампанія.