XI Рэспубліканскі фестываль нацыянальных культур пройдзе ў Гродне 4-5 чэрвеня.

        Па фармаце ён не мае аналагаў у свеце. Мерапрыемства ладзіцца кожныя два гады. Яно стартуе ў раёнах, праходзяць абласныя конкурсы, сталіца фінальных мерапрыемстваў па традыцыі Гродна. Форум збліжае і аб’ядноўвае ўсе нацыянальныя меншасці, якія жывуць на тэрыторыі нашай краіны, спрыяе захаванню нацыянальнай самабытнасці і разам з тым узаемаразуменню і ўзбагачэнню культур.