Прадстаўнікі Беларусі і ЗША абмеркавалі чарговыя крокі па развіцці двухбаковага супрацоўніцтва ў галіне спорту.

          У Вашынгтоне праходзіць Генеральная асамблея Асацыяцыі нацыянальных алімпійскіх камітэтаў. У межах мерапрыемства беларуская дэлегацыя сустрэлася з кіраўніцтвам структур дзярждэпартамента ЗША, адказных за спартыўнае супрацоўніцтва. Часова ўпаўнаважаны ў справах Беларусі ў ЗША Павел Шыдлоўскі заўважыў, што нармалізацыя стасункаў паміж дзвюма краінамі адкрывае новыя магчымасці для развіцця супрацоўніцтва ў галіне спорту, культуры і адукацыі.