Прамыя трансляцыі лепшых тэатральных пастановак з сусветных сцэн стануць даступнымі для беларусаў.

        У Мінску запускаецца праект TheatreHD. Трансляцыі спектакляў на кінаэкране - новы фармат для Беларусі, але распаўсюджаная практыка ў Еўропе і свеце. На экранах кінатэатраў дэманструюцца тэатральныя, оперныя і балетныя пастаноўкі самых вядомых тэатраў свету. Гэта магчымасць убачыць культавых выканаўцаў сучаснасці ў рэжыме рэальнага часу на вялікім экране, пабываць на спектаклях, аб якіх гаворыць увесь свет. Беларускія гледачы змогуць убачыць трансляцыі лепшых пастановак са сцэн Метраполітэн Опера (Нью-Ёрк), Каралеўскага Нацыянальнага тэатра Лондана, Вялікага тэатра Масквы і інш.