Беларусь і Казахстан абмяркоўваюць магчымасць сумеснага будаўніцтва малочных заводаў

Беларусь і Казахстан вывучаюць магчымасць сумеснага будаўніцтва на тэрыторыі Казахстана малочных заводаў, паведаміў у Астане намеснік міністра сельскай гаспадаркі і харчавання Беларусі Васіль Казакевіч. Мяркуецца, што прадукцыя, якая будзе вырабляцца на СП, будзе запатрабавана не толькі на казахстанскім рынку, але і на рынках трэціх краін. Беларусь таксама прапанавала Казахстану свае паслугі па праекціраванні і будаўніцтве малочна-таварных ферм.