Нацыянальны дзень Беларусі на Сусветнай выставе «ЭКСПА-2015» у Мілане пройдзе 9 верасня.

        Наш павільён уваходзіць у дзесятку самых незвычайных на «ЭКСПА» і карыстаецца папулярнасцю ў наведвальнікаў. Выстава праходзіць пад дэвізам «Накарміць планету. Энергія для жыцця», і Беларусі ёсць што паказаць. Наведвальнікі могуць ацаніць якасць беларускіх прадуктаў і паспытаць нацыянальныя стравы. Тут кажуць і паказваюць па-беларуску. На маніторах «Гарызонт» - матэрыялы пра краіну. А трактар МТЗ стаў візітнай карткай павільёна і самым папулярным фонам для сэлфі.
      Дадам, што з 1 мая (дня адкрыцця «ЭКСПА») з беларускім павільёнам пазнаёміліся больш за паўмільёна гасцей.