У НАН Беларусі пройдзе Маладзёжны інавацыйны форум "Навука і бізнэс-2012".

          У Нацыянальнай акадэміі навук Беларусі пройдзе другі Маладзёжны інавацыйны форум "Навука і бізнэс-2012". Чакаецца, што ў ім прымуць удзел больш за 150 маладых навукоўцаў з 11 краін. Форум арыентаваны ў першую чаргу на прыкладныя праекты і канкрэтныя распрацоўкі. Гэта – першы крок маладых інаватараў да рэалізацыі сваіх ідэй у рэальным сектары эканомікі, унікальная магчымасць заручыцца фінансавай падтрымкай інвестараў, прадставіць свае распрацоўкі і зацікавіць найбуйнейшыя галіновыя прадпрыемствы. Сумесна з форумам пройдзе і Міжнародная маладзёжная навукова-практычная канферэнцыя "Навуковыя імкненні-2012".