У Смаргоні адзначаць 250-годдзе з дня нараджэння сусветна вядомага кампазітара, палітычнага дзеяча і дыпламата Міхала Клеафаса Агінскага.

          Тут арганізуюць свята пад назвай "Вяртанне паўночных Афін". У музеі-сядзібе кампазітара ў Залессі прадставяць мемуары Агінскага на французскай і беларускай мовах. Да таго ж на экспазіцыі можна будзе пабачыць антыкварныя экспанаты (мэблю, музычныя інструменты, посуд, аксесуары), якія дадуць магчымасць стварыць каларыт эпохі музыканта. Акрамя таго, будуць максімальна выкарыстаны электронныя копіі дакументаў і артэфактаў роду Агінскіх. Плануецца, што на тэрыторыі сядзібы адкрыюцца творчыя пляцоўкі, адбудзецца канцэрт Нацыянальнага акадэмічнага канцэртнага аркестра і ансамбля класічнай музыкі "Класік авангард".