Амерыканскія кампаніі зацікаўлены ў павелічэнні паставак прадуктаў харчавання з Беларусі.

        Аб гэтым паведаміў часовы павераны ў справах Беларусі ў ЗША Павел Шыдлоўскі. Цяпер наша краіна плануе павялічыць пастаўкі такіх харчовых тавараў, як кандытарскія вырабы, казеін, лікёра-водачная прадукцыя. Па словах дыпламата, зараз Беларусь на тым этапе, калі маюцца магчымасці для супрацоўніцтва і зацікаўленасць з боку партнёраў у гэтым таксама ёсць. Павел Шыдлоўскі лічыць, што з пункту погляду суадносін цаны і якасці Беларусь можа канкурыраваць на амерыканскім рынку.