У Беларусі пачаліся Дні культуры В'етнама

У Беларусі пачаліся Дні культуры В'етнама. Мінскім гледачам прапануюць нумары ў выкананні артыстаў В'етнамскага тэатра оперы і балета і Дзяржаўнай акадэміі музыкі В'етнама. Іх творчасць убачаць таксама ў Маладзечне. Акрамя таго, у Нацыянальным мастацкім музеі Беларусі адкрыецца фотавыстаўка "Прыгажосць В'етнама". Экспазіцыя з 50 здымкаў в'етнамскіх фотамайстроў дасць магчымасць пазнаёміцца з культурай, выдатнымі мясцінамі і славутасцямі В'етнама.