У Мінску праходзіць Х Міжнародны медыяфорум.

         "Партнёрства ў імя будучыні - спадчына Вялікай Перамогі" – пад такой назвай у Мінску праходзіць Х Міжнародны медыяфорум. Ён праводзіцца ў год 70-годдзя Перамогі і павінен унесці важкі ўклад ва ўмацаванне даверу і супрацоўніцтва паміж краінамі. Перакананасць у гэтым выказаў Прэзідэнт Беларусі Аляксандр Лукашэнка ў прывітанні да ўдзельнікаў сустрэчы. У сталіцы сабраліся прадстаўнікі экспертнай і медыясупольнасці, міжнародных арганізацый, дыпмісій больш чым з 20-ці краін.
        Сёлета Прэзідэнт Беларусі Аляксандр Лукашэнка аказаўся ключавой фігурай еўрапейскай палітыкі. Такое меркаванне выказаў удзельнік медыяфоруму, міжнародны аглядальнік з Расіі Леанід Млечын.  Маючы на ўвазе намаганні па ўрэгуляванні сітуацыі на ўсходзе Украіны, эксперт адзначыў, што вельмі важна, каб знаходзіліся людзі, гатовыя прыкласці намаганні не да таго, каб распальваць канфлікт, а каб прымірыць бакі.