Свята мастацтваў “Мірскі замак” пройдзе ў суботу і будзе прысвечана 70-годдзю Перамогі.

        На ім прагучыць беларуская класічная музыка, старадаўнія і духоўныя творы, эстрадныя песні. Пачнецца свята канцэртам ансамбля трубачоў ва ўнутраным дворыку замка. Працягне музычную праграму канцэрт “Натхненне” ў выкананні ансамбля кларнетыстаў, флейтыстаў і струннага квартэта. У Міры ў гэты дзень будуць гучаць і творы карыфеяў беларускай музыкі ХХ стагоддзя. Адзначу, што свята мастацтваў “Мірскі замак” - своеасаблівы брэнд раёна, яно штогод збірае не менш за тысячу гледачоў.